BFF ng aktres, sawsawero raw… JANUS, TODO-PARINIG KAY GERALD SA PANGGO-GHOSTING KAY BEA

ni Beth Gelena - @Bulgary Files | April 17, 2021

Alam naman ng marami na basta tungkol kay Bea Alonzo, isa sa mga tagapagtanggol ng aktres ay ang kaibigang character actor na si Janus del Prado.

May ipinost si Janus sa kanyang socmed na isang quote at espekulasyon ng mga netizens, ito raw ay patungkol kay Gerald Anderson.

“A real man will apologize for his mistakes and accept his shortcomings to try to become a better version of himself. A coward will lie, manipulate, redirect blame and play the victim role just to save face. – titoquotes," post ni Janus.

Hindi naman nagustuhan ng ibang netizens ang pangse-shade umano ni Janus kay Gerald at sinabihan siyang “sawsaw suka.”

Pagtatanggol naman kay Janus, "Sawsaw suka man, pero aminin mo, totoo 'yung quote. Applicable in real life.”

“Halata naman na si Gerald ang toxic. Pailalim tumira. Sa liit ng mundo nila, malamang naririnig nila kung ano'ng sinasabi ni Gerald.”

“Agree, except du'n sa real man, instead change it to a decent person. This works both ways.”

“Mga ibang friends ni Bea, quiet kasi naniniwala sila na the more na 'di makaka-move on si Bea if they will keep on reminding or bringing up the past. Eto naman, sa kagustuhang maging relevant wants to meddle and join the funfair.”

“Kung sino'ng tamaan d'yan, alam na. Hindi coward kasi naka-post. Ang coward, pailalim tumira. Nag-name na si Bea at hindi pailalim tumira si Bea.”