BF, tumakas daw sa Baguio kahit COVID positive… SIGAW NI MAINE: ARJO, 'WAG N'YONG HUSGAHAN!

ni Vinia Vivar - @Frankly Speaking | August 20, 2021

Ipinagtanggol ni Maine Mendoza ang boyfriend na si Arjo Atayde sa isang netizen na pinuna ang aktor sa napabalitang pag-alis nito sa Baguio kahit na COVID-19 positive ito.

Komento ng netizen sa Twitter, “@mainedcm, ayaw kong maniwala na kaya mong i-tolerate ang mali, na mas pabor sa 'yo ang ginawa ni Atayde kesa sa safety ng maraming tao. Hindi isang Maine Mendoza 'yun.”

Sinagot ito ni Maine at aniya, hindi raw alam ng mga tao ang buong kuwento kaya sana raw ay huwag agad i-judge si Arjo.

“Hello! I am not “tolerating” him but there’s just so much you do not know about the story. And I hope he gets the chance to tell his side and the context of what had happened these past few days. I also hope you do not base your judgments solely on what you see online,” reply ni Maine.

Pahabol pa niyang tweet, "…because you might just be seeing an angle of the real scenario.”

Matatandaang sa panayam kay Baguio City Mayor Benjamin Magalong ay sinabi niyang bigla na lang umalis o lumuwas si Arjo ng Manila at iniwan ang 9 pang kasamahan sa Baguio na COVID positive rin.

Nagpaliwanag na ang kampo ni Arjo na kaya umalis ang aktor ay para magpa-confine sa hospital sa Manila dahil nakakaranas na ito ng sintomas ng virus tulad ng lagnat, sakit ng ulo at pangangapos ng hininga.