BENJAMIN AT CHELSEA, IKINASAL NA!

ni Beth Gelena @Bulgary | January 29, 2024

Ikinasal na kahapon (January 28) ang aktor na si Benjamin Alves sa kanyang non-showbiz GF na si Chelsea Robato. 

Nagpalitan ng "I do's" ang dalawa nitong Linggo sa Santuario De San Antonio Parish, Forbes Park, Makati City.

Ang suot ng bride ay isang dreamy wedding gown na gawa ng fashion designer na si Francis Libiran, ganu'n din ang tailored suit ng Kapuso actor. 

Ang mister ni Karylle na si Yael Yuzon ang isa sa groom's men ni Benjamin. 

Ang Miss Universe Philippines creative director na si Jonas Gaffud, GMA Senior Vice-President for Programming, Talent Management, Worldwide at President and CEO ng GMA Films na si Atty. Annette Gozon-Valdes ay ilan lang sa mga principal sponsors.

Ang newly-wed ay na-engaged last December, 2022 at nagkaroon ng prenup photoshoot sa El Nido, Palawan.

Congratulations sa bagong kasal!