top of page

BBM, dumalaw sa puntod ng ama sa Libingan ng mga Bayani

  • Writer: BULGAR
    BULGAR
  • May 11, 2022
  • 1 min read

ni Lolet Abania | May 11, 2022


ree

Binisita ni presidential candidate at napipintong lider ng bansa na si Ferdinand “BBM/Bongbong” Marcos, Jr. nitong Martes ang puntod ng kanyang ama, ang yumaong dating Pangulong Ferdinand Marcos, Sr., sa Libingan ng mga Bayani.


Naghandog ng mga bulaklak ang dating senador sa kanyang ama, kung saan nai-post ang mga larawan sa kanyang Facebook page ngayong Miyerkules. Wala namang iba pang detalyeng ibinigay kaugnay dito.


Matatandaang pinayagan ng administrasyong Duterte ang paglibing kay Marcos Sr. sa Libingan ng mga Bayani sa kabila ng malawakang oposisyon at mga kritisismo.


Ayon kay Bongbong, ang kanyang ama ay nararapat na mabigyan ng lugar sa Libingan ng mga Bayani dahil ito ay dating pangulo at isang sundalo.


Alas-11:02 ng umaga ngayong Miyerkules, patuloy na nangunguna si Marcos Jr. sa presidential race na mayroong 31,078,996 votes base sa partial, unofficial count, laban sa mahigpit niyang katunggali na si Vice President Leni Robredo, na mayroong 14,809,527 votes.


Comments


Disclaimer : The views and opinions expressed on this website or any comments found on any articles herein, are those of the authors or columnists alike, and do not necessarily reflect nor represent the views and opinions of the owner, the company, the management and the website.

RECOMMENDED
bottom of page