P-BBM, aprub sa 10-year maritime plan

ni Eli San Miguel - Trainee @News | February 13, 2024

Inaprubahan ni Pangulong Ferdinand Marcos Jr. ang isang 10-year plan para sa pagpapabuti ng maritime industry sa bansa, ayon sa Palasyo ngayong Martes.

Sa Executive Order (EO) No. 55, sinabi ni Marcos na dapat isakatuparan ang Maritime Industry Development Plan 2028 (MIDP) upang palakihin ang buong potensyal ng bansa.

“To fully realize our potential as a maritime nation, the country requires a clearly defined and coordinated roadmap that shall accelerate the integrated development of the Philippine Maritime Industry,” saad ni Marcos sa EO.

Nilagdaan ni Executive Secretary Lucas Bersamin ang EO noong Pebrero 8, na inilabas sa media ngayong Martes.

Inoobliga ng bagong EO ang MARINA board na ipatupad ang MIDP, na kung saan kabilang ang modernisasyon at pagpapalawak ng domestic shipping, pati na rin ang pagpapalakas sa overseas shipping industry.

Kasama rin sa plano ang pagpapabuti ng ship-building at repair industry, training ng maritime workers, at pagtataguyod ng eco-friendly maritime practices.

Inutusan din ni Marcos ang lahat ng mga ahensya ng gobyerno na baguhin ang kanilang mga patakaran ayon sa bagong EO.

Kasosyo ni Macoy, pinagbabayad ng P2M pinsala at benepisyo sa mga manggagawa ng LBLCI

Fni Angela Fernando - Trainee @News | November 27, 2023

Iniutos ng Sandiganbayan na mapatupad kanilang pasiya nu'ng Hulyo 2023 na nagtatakda sa kasosyo ng dating Pangulong Ferdinand Marcos Sr. na bayaran ang P2.1-milyong halaga ng pinsala sa mga manggagawa.

Ito ay matapos maglabas ang anti-graft court ng writ of execution nu'ng ika-7 ng Nobyembre para sa kanilang resolusyon nu'ng ika-18 ng Hulyo na nagsasabi na si Peter Sabido, isa sa mga kasosyo ni Marcos at isa sa mga nasasakdal sa Civil Case 0024, ay may pananagutang bayaran ang Diatagon Labor Federation (DLF) o ang grupo ng manggagawa ng Lianga Bay Logging Company Inc. (LBLCI) ng halagang P1 milyon para sa moral damages, P1 milyon para sa exemplary damages, at P100,000 para sa gastos ng kaso.

Kaugnay ito ng pag-angkin ni Sabido sa LBLCI na nagresulta sa pagkasira ng ikinabubuhay ng mga manggagawa ng kahoy.

Ibinasura ang kaso nu'ng Pebrero 2023 dahil sa kakulangan ng ebidensya, ngunit nag-apela ang grupo ng mga manggagawang DLF sa hatol at nakatanggap ng desisyong pabor sa kanilang panig nu'ng Hulyo 2023.

Sa mga nagpatalsik sa ama... "Di nila kailangan ang patawad ko" — Marcos

ni Angela Fernando - Trainee @News | November 18, 2023

Diretsong ipinahayag ni Pangulong Ferdinand "Bongbong" Marcos Jr. ngayong Sabado na hindi niya kailangang patawarin ang mga nagpatalsik sa kanyang yumaong ama na si dating Pangulong Ferdinand Marcos, Sr..

Saad ni Marcos sa isang panayam nang matanong ito kung napatawad na ba niya ang mga taong naging dahilan para umalis sila ng 'Pinas at lumipad sa Hawaii, hindi niya kailangang patawarin ang mga ito dahil hindi niya sinisi ang mga ito kahit kailan.

"I hope by now you have realized hindi ako namemersonal--they don’t need my forgiveness. If they want it, I’ll give it to them," ani Marcos.

Batid din ng Presidente ang magkaibang paniniwala ng dalawang partido.

Matatandaang napatalsik sa puwesto dahil sa EDSA People Power Revolution ang diktador na si Marcos Sr. nu'ng 1986.