Bawal pilitin ng employer ang empleyado na pumasok kung may panganib sa area ng trabaho

ni Atty. Persida Rueda-Acosta - @Magtanong Kay Attorney | November 16 2021

Dear Chief Acosta,

Ako ay nagtatrabaho bilang construction worker. Kahapon ay gumuho ang lupa kung saan kami nagtatrabaho. Ngayon, nais kong malaman kung maaari ba kaming pilitin ng aming amo na pumasok para magtrabaho kahit mapanganib pa rin ito? – Tony

Dear Tony,

Para sa inyong kaalaman, ang inyong suliranin ay tinatalakay sa Republic Act (R. A.) No. 11058, o “An Act Strengthening Compliance with Occupational Safety and Health Standards and Providing Penalties For Violations Thereof.” Nabanggit sa Section 6 ng nasabing batas na:

“Section 6. Worker’s right to Refuse Unsafe Work. - The worker has the right of refusal to work without threat or reprisal from the employer if, as determined by DOLE, an imminent danger situation exists in the workplace that may result in illness, injury or death, and corrective actions to eliminate the danger have not been undertaken by the employer.”

(Binigyang-diin)

Samakatwid, hindi maaaring pilitin at parusahan ng employer ang kanilang mga empleyado na magtrabaho kapag sila ay malalagay sa panganib kung sila ay pumasok rito.

Nawa ay nasagot namin ang inyong mga katanungan. Nais naming ipaalala sa inyo na ang opinyong ito ay nakabase sa inyong mga naisalaysay sa inyong liham at sa pagkakaintindi namin dito. Maaaring maiba ang opinyon kung mayroong karagdagang impormasyon na ibibigay. Mas mainam kung personal kayong sasangguni sa abogado.

Maraming salamat sa inyong patuloy na pagtitiwala.