Bagong Sex Goddess… CHRISTINE BERMAS, PALIT SA TRONO NI CRISTINE

ni Janiz Navida @Showbiz Special | February 28, 2022

May bagong “Christine” na pinasisikat ang Viva Artists Agency at ewan lang namin kung siya na ba ang papalit sa trono ni Cristine Reyes na todo-palaban noon pero ayaw na raw talagang magpa-sexy ngayon.

Fresh na fresh ang byuti ni Christine Bermas at 19 yrs. old and with her pretty face, hindi malayong maging Sex Goddess din siya ng showbiz.

Si Christine ang bida sa bagong Vivamax offering na Moonlight Butterfly at napakasuwerte niyang si Direk Joel Lamangan ang director niya sa kanyang launching film na isinulat ni Eric Ramos.

Bonus pang parehong guwapong aktor ang dalawa niyang leading men na sina Kit Thompson at Albie Casiño.

At hindi lang mala-diyosang mukha ang puhunan ni Christine sa pag-aartista niya dahil kahit si Direk Joel ay bilib na bilib sa ipinakita niyang acting skills at attitude sa shooting nila ng Moonlight Butterfly.

Ayon kay Christine nang makapanayam ng press, matagal na niyang gustong maging artista at naghintay lang siya ng tamang break.

Nakalabas na rin siya sa mga pelikulang Silab, Siklo at Sisid pero rito sa Moonlight Butterfly lang talaga siya ini-launch bilang bida.

Sixteen years old pa lang siya nu’ng sumali sa Circle of 10 contest sa Palawan, at doon siya na-discover. Dati siyang member ng all-female sing and dance group na Belladonnas.

Simula sa March 18, mapapanood na ang Moonlight Butterfly na streaming online sa VIVAMAX Philippines, Hong Kong, Taiwan, Thailand, Malaysia, Indonesia, Singapore, Japan, South Korea, Macao, Vietnam, Brunei, Maldives, Australia, New Zealand, Canada, the USA, the Middle East and Europe.