Bago raw bumalik sa showbiz… HIRIT NG NETIZENS: JOHN LLOYD, MAG-AHIT, MAGPAGUPIT AT MAGPA-FACIAL

MUNA

ni Beth Gelena - @Bulgary Files | May 14, 2021

Espekulasyon ng mga netizens ay si John Lloyd Cruz ang tinutukoy ni Maja Salvador sa kanyang Instagram post na “#TheCAMbackIsReal @crownartistmgmt”

Iisa ang pumasok na komento sa comment section ng post ng lady boss ng Crown Artist Management.

“Si John Lloyd (clap emojis). The king is back.”

“Wowwww… I’m so excited… John Lloyd is back.”

Sey naman ng isang netizen, “Puro comeback na lang si JLC. Until now, wala pa ring project.”

“May natapos siyang indie film pre-pandemic, waiting to be released lang. Lav Diaz lang naman ang director. Wala?”

Para po sa kaalaman ng iba, malapit na ring umpisahan ni JLC ang reunion movie nila ni Bea Alonzo, ang No Goodbyes.

May update rin ang isang netizen,“'Di ka yata updated, Sis. Two movies and 1 teleserye currently under production. Another 4 in line, with B, another with J.A. Inform na kita as a friend.”

Gusto pa ring makita ng ibang netizens ang pruweba ng pagbabalik ng aktor.

“So, asan na 'yang mga projects na 'yan? Hanggang 'di pa nasisimulan, wala pa 'yan. Puro press release na comeback lang nakikita ko na ganap niya.”

Kung totoo ngang ang artist agency na ni Maja ang hahawak sa career ni John Lloyd, ang wish ng mga fans ng aktor ay, “Sana, mabuhay ni Maja ang lumalamlam mong bituin, JLC. Sana, 'di pa huli ang lahat. Mag-ahit at magpagupit ka na. Magpa-facial ka na rin. Need mo na talaga, kuys!”

“I just wish JLC well. He is a good actor. Sana, makabalik sa showbiz.”