Bago pinakasalan ang misis… ICE, UMAMING NAGING KABIT NI LIZA

ni Nitz Miralles @Bida | September 18, 2025

Photo: Atom Araullo at Karen Davila - Instagram

“Mutual respect,” ang sagot ng singer-composer-director and producer ng Fire and Ice Live Productions na si Ice Seguerra nang matanong namin kung paano niya nilalagyan ng boundaries ang pagkakaibigan nila ng mga kapwa-Sessionistas at pagiging stage director ng Love, Sessionistas concert na dahil sa success ay may 3rd repeat na ngayon.

Muli ngang magsasama-sama ang The Sessionistas sa pangunguna ni Ice kasama sina Nyoy Volante, Duncan Ramos, Kean Cipriano, Sitti, Juris at Princess Velasco sa Love Sessionistas: The Repeat sa Oct. 18 sa The Theatre at Solaire upang maghatid ng kakaibang concert experience sa kanilang mga fans.

Nagpa-sample nga ang 7 Sessionistas sa ginanap na mediacon ng Love Sessionistas: The Repeat at kahit ang mga viewers sa livestreaming ay tuwang-tuwa dahil ang galing-galing ng blending ng mga boses nila.

Pero dahil malalim na nga ang friendship nila  na nagsimula nu'ng active pa sila sa A.S.A.P., grabe ang asaran at kantiyawan ng pito, na buti at walang pikon sa kanila.

Tulad na lang ng hirit ni Ice na ‘pag ‘di raw nakaayos at naka-makeup si Sitti ay hindi ito makikilala, habang si Duncan naman ay durog sa mga kasama dahil NPA (as in no permanent address) raw at mahirap hanapin.

Pero sa kabila nga ng mga kantiyawang ‘yun, ani Ice, bilang director, kahit kampante na siya sa mga kaibigan, hindi pa rin siya ‘yung tipong nag-i-impose kapag may naisip siyang gawin para sa concert.

He still asks his friends’ opinion daw kapag may naisip siya. And in return naman, pare-parehong ino-honor nina Nyoy, Duncan, Kean, Sitti, Juris at Princess na si Ice lang talaga ang best director and capable na gawin ang mga ginagawa nito para sa show nila dahil multi-talented naman talaga ang mister ni Liza Diño-Seguerra.

At bukod du'n, puring-puri rin nila ang pagiging mabuting tao, generosity at galing sa pakikisama ni Ice bilang kaibigan, kaya naman lahat sila, agree na si Ice talaga ang isa sa mga dahilan ng success ng Love Sessionistas kung bakit may third repeat na nga ito at kung bakit napagsama-sama silang muli.

So, pagkatapos ng successful two-night Being Ice: Live! concert ni Ice, ang Love Sessionistas: The Repeat naman ang inaabangan lalo na ng mga mahilig sa hugot songs at love songs na may kakaibang hagod at kilig ‘pag ang Sessionistas na ang kumanta

Anyway, sa nakaraang Being Ice: Live! concert ni Ice, may binitiwan itong linya na “Minsan na rin akong naging kabit,” bago kinanta ang isang bago niyang song, kaya ito ang ipinalinaw namin sa kanya nang maka-one-on-one namin after ng Love Sessionistas: The Repeat mediacon.

Hindi naman nag-deny si Ice, totoo raw ‘yung sinabi niya at hindi joke. Minsan na raw kasi siyang naging “kabit” ng misis na niya ngayong si Liza. Meaning, in a relationship pa that time ang aktres-beauty queen nang ma-in love sila sa isa't isa. At dahil kasal na nga sila ngayon, ibig sabihin lang, si Ice ang nagwagi!

Bongga! Kaya naman feeling 6’2” siguro si Ice nang maging misis niya si Liza. Hehehe!

Birthday ni Direk Ice Seguerra kahapon kaya naman sa mediacon ng Love Sessionistas: The Repeat nu'ng Martes ay kinantahan na siya ng mga kaibigang singers habang nagwi-wish sa kanyang birthday cake.

Happy birthday again, Direk Ice Seguerra!

---

SPEAKING of music, nag-enjoy din kami sa music at performance ng all-male band na Inner Voices sa Aromata Bar na pag-aari ni Jimmy Bondoc last Friday.

Grabe rin ang Inner Voices, parang pang-concert performance ang ipinakita nila sa mga gumigimik sa bar that night kasama na ang ilang press people.

From ‘80s hanggang sa present songs, kayang-kaya nilang bigyan ng justification at full energy ang performance na parang ‘di napapagod, ha?

Mala-Introvoyz noon ang tunog ng banda na itinayo ni Atty. Rey Bergado at siya ring leader ng grupo.

Would you believe, 34 yrs. na ang Innervoices and yet, nandiyan pa rin sila kahit marami nang bandang nawala.

Ang mga bumubuo sa Inner Voices ay sina Patrick Marcelino (vocalist), Rene Tecson (guitarist), Alvin Herbon (bassist), Joseph Cruz (keyboardist), Joseph Esparago (percussionist) at Rey Bergado (founder at band leader.)

Bukod nga sa mga regular nilang kinakanta sa kanilang gigs, kinanta rin nila ang ilang original songs nila tulad ng THAL (Tubig Hangin Apoy Lupa), Meant To Be, Idlip, Sayaw Sa Ilalim ng Buwan, Saksi Ang Mga Tala, Handa Na Kitang Mahalin, and the only upbeat track in the mix, Galaw.

Well, madalas sila sa Hard Rock Cafe sa Makati at sa Aromata Bar sa QC kaya kung gusto n'yo silang mapanood, go na rin kayo d'yan at i-follow sila sa kanilang Facebook page para sa kanilang mga gigs schedule.