Babu sa Siyete, game sa Dos… "KUNG SAAN MAY TRABAHO, DOON AKO!" — KRIS

ni Beth Gelena - @Bulgary Files | May 07, 2021

Freelance artist na si Kris Bernal magmula nang hindi na siya nag-renew ng kontrata sa GMA-7. Mahigit isang taon na ring wala sa bakuran ng Kapuso Network ang actress, pero kung may offer naman daw ang dating home studio niya ay ipa-prioritize niya.

Ngayon, may sitsit na lilipat daw siya sa ABS-CBN. May nagtanong kasing netizen sa dating Kapuso actress kung mag-oober da bakod ba siya.

Tahasan niyang sinagot ang netizen na kung may io-offer na project sa kanya ang Kapamilya Network, bakit daw hindi? Basta ang importante raw ay may trabaho.

Ani Kris, "Kung saan ako dalhin ni Lord. I never choose or reject a project because I see opportunities as valuable, so I consider every role or show that is given to me. As I said, kung saan may trabaho, doon ako…

"Only if there's an opportunity or wherever I'll get accepted, that's where I'll go for,” pahayag ng petite actress.

Kinlaro rin niyang walang offer na project ang Kapuso Network sa kanya.

"False! So far, there isn't any offer yet of a new show,” sambit ni Kris.

Samantala, natsitsismis ngayon ang petite actress na nagbebenta na raw ng kanyang mga personal na gamit. Hindi naman ito itinanggi ni Kris.

Aniya, "I won't be a hypocrite, totoong nagbenta ako ng ilan sa mga bag collections ko."