ni Atty. Persida Rueda-Acosta - @Magtanong Kay Attorney | January 18, 2022
Dear Chief Acosta,
Namatay ang aking asawa dahil sa sakit. Habang siya ay nabubuhay pa ay nakapagpundar kaming dalawa ng mga ari-arian. Ano ba ang maaring mangyari sa mga ari-arian namin kung ako ay muling magpakasal sa iba nang hindi ko maisaayos o ma-liquidate ang mga ito? – Wendy
Dear Wendy,
Para sa inyong kaalaman, ayon sa Article 130 ng Family Code of the Philippines, maliwanag na kung sakaling magpakasal ka sa iba nang hindi nagsasayos o nag-liquidate ng inyong naipundar na mga ari-arian kasama ng inyong yumaong asawa ay:
“Art. 130. Upon the termination of the marriage by death, the conjugal partnership property shall be liquidated in the same proceeding for the settlement of the estate of the deceased.
If no judicial settlement proceeding is instituted, the surviving spouse shall liquidate the conjugal partnership property either judicially or extra-judicially within six months from the death of the deceased spouse. If upon the lapse of the six-month period no liquidation is made, any disposition or encumbrance involving the conjugal partnership property of the terminated marriage shall be void.
Should the surviving spouse contract a subsequent marriage without compliance with the foregoing requirements, a mandatory regime of complete separation of property shall govern the property relations of the subsequent marriage.”
(Binigyang-diin.)
Samakatwid, awtomatikong magiging hiwalay ang lahat ng inyong ari-arian sa inyong pangalawang asawa kung kayo ay muling magpapakasal, sapagkat itinakda ng batas na complete separation ang property regime na susundin sa inyong pagsasama.
Sana ay nabigyan namin ng linaw ang inyong katanungan. Ang payong aming ibinigay ay base lamang sa impormasyon na inyong inilahad at maaaring magbago kung mababawasan o madaragdagan ang mga detalye ng inyong salaysay.
Maraming salamat sa inyong patuloy na pagtitiwala.