Antukin sa impeachment court, Gatchalian: Sa bahay na lang matulog!

ni Pablo Hernandez @Prangkahan | October 6, 2026

PUPUTAKTIHIN NG BATIKOS NG MGA DDS SI TRILLANES KAPAG WALA SIYANG NAPAKITANG DOKUMENTO NA TUMANGGAP SI VP SARA NG PONDO MULA SA CHINA — Hinamon ni Sec. Gibo Teodoro ng Department of National Defense (DND) si former Sen. Antonio Trillanes na ibigay nito sa mga awtoridad ang sinasabi niyang mga dokumento na pinopondohan ng China si Vice President Sara Duterte, kasi ayon sa DND Sec., kung may katotohanan ang mga ibinulgar ng dating senador ay malaking banta ito sa seguridad ng Pilipinas.

Naku, malaking problema 'yan kasi kapag walang naipakitang dokumento si Trillanes, asahan na niyang puputaktihin siya ng batikos ng mga Duterte Diehard Supporters (DDS) sa social media, period!

XXX

DAHIL SA IBINULGAR NI CONG. SAN FERNANDO NA SI DOLE SEC. TOLENTINO ANG  HUMAHARANG SA PROVINCIAL RATE, BAKA RUMESBAK ANG MGA MANGGAGAWA SA PROBINSYA AT IBASURA SA 2028 PRESIDENTIAL ANG 'MANOK' NI PBBM — Inakusahan ni Kamanggagawa Partylist Rep. Eli San Pedro si Sec. Francis Tolentino ng Department of Labor and Employment (DOLE) na siya ang umanong humaharang sa pagpapatupad ng dagdag sa provincial rate ng mga manggagawa sa mga lalawigan.

Dahil sa ibinulgar na 'yan ni Cong. San Pedro ay malamang i-zero vote ng milyun-milyong manggagawa sa mga lalawigan ang "manok" ni President Ferdinand “Bongbong” Marcos (PBBM) sa 2028 presidential election, boom!

XXX

MILYUN-MILYONG DDS NAGBANTA, IBABASURA NILA SA 2028 ELECTION ANG MGA SENATOR-JUDGES NA BOBOTO NG GUILTY KAY VP SARA — Nagbanta ang milyun-milyong DDS na ibabasura nila sa 2028 election ang mga senator-judges na boboto ng guilty kay VP Sara sa kaso nitong impeachment.

Naku, malamang nagdadalawang-isip na ang mga re-electionists sa 2028 senatorial election kasi kapag nag-yes sila na guilty si VP Sara, baka ang maging kapalit nito ay ang pagkatalo naman nila sa eleksyon, period!

XXX

MALAMANG ANG MGA ANTUKIN NA SINA CONG. ABANTE AT ATTY. PANELO ANG  PINASARINGAN NI SP GATCHALIAN NA SA BAHAY NA LANG MATULOG, HUWAG SA IMPEACHMENT COURT — Pinasaringan ni Senate President Win Gatchalian ang mga antuking audience na kung matutulog din lang sa loob ng impeachment court ay mas mainam na sa kanilang mga bahay na lang matulog.

Maaaring ang pinasasaringan umano dito ni SP Gatchalian ay sina Manila 6th Dist. Rep. Benny Abante at former presidential legal counsel Atty. Salvador Panelo, kasi silang dalawa lang naman ang madalas na nakikitang natutulog sa loob ng impeachment court, boom!