Anne, galit na galit sa mister… ERWAN, NAAKSIDENTE

Julie Bonifacio - @Winner | May 08, 2021

Naaksidente ang mister ni Anne Curtis na si Erwan Heussaff habang nag-i-skateboarding kamakailan.

Nagtamo ng maraming sugat sa katawan si Erwan na ipinakita niya sa kanyang latest food vlog on his FEATR YouTube channel.

Nagluluto si Erwan ng kanyang version ng Korean corn dog nu’ng i-explain niya kung bakit merong “some weird scars and tape” sa kanyang kanang braso.

“I had a skateboarding accident,” pahayag ni Erwan. “My whole right side is completely bruised up.”

After he said that, ipinakita ni Erwan sa kanyang vlog ang short video clip (in black and white) with a caption na: “How to make your wife mad,” kung saan makikita ang mga pasa sa kanyang katawan, including sa likod ng kanyang right thigh at lower part ng kanyang butt.

Obviously, 'di nagustuhan ni Anne ang nangyaring aksidente sa kanyang asawa nang dahil sa pagsubok nitong muli na mag-skateboarding.

Last time raw na nag-skateboarding si Erwan ay two years ago.

"So, tell me what happened," talak ni Anne kay Erwan.

"You shouldn't go skateboarding,” sagot ni Erwan.

"Downhill," sabi ulit ni Anne sa mister.

"Downhill, with a skateboard you haven't used in two years," sagot pa ng celebrity dad.

Back on his food vlog, humingi ng dispensa si Erwan sa mga manonood nu’ng ipinakita niya ang kanyang mga pasa sa braso.

"My whole right side is just completely bruised up and scabbed up, so I'm sorry if it's disgusting. I'm 34 years old and I shouldn't be skateboarding.”

Dagdag pa niya, "That's a piece of advice to anyone out there who thinks they're a teen-ager.”

On to his “corn dogs” recipe na kanyang ishinare sa kanyang food vlog, ipinatikim ni Erwan kay Anne ang kanyang niluto.

Pero imbes na tumikim lang, kinain at inubos lahat ni Anne ang “corn dog” ni Erwan na nasa stick.

Katwiran ni Anne, gutom daw kasi siya.