ANGEL, NAGPAMASKO NG P20 K SA NAPILING FAN

ni Beth Gelena - @Bulgary Files | December 11, 2021

Ayon kay Angel Locsin, kapag sumasapit na ang Araw ng Pasko, hindi niya mapigilan ang malungkot.

Sa latest vlog nila ng asawang si Neil Arce ay nag-decorate sila ng kanilang Christmas tree.

Katuwang nila ang kaibigang mahusay na event stylist na si Randy Lazaro.

Ayon sa aktres, 12 years na raw na nakatago ang Christmas tree na kanilang gagamitin.

“So while we were making DIY Christmas decors on our last episode of The Angel and Neil Channel, event stylist Randy Lazaro shared that celebrating Christmas was not a tradition in their household growing up dahil sa hirap ng buhay nila before.”

Dagdag pa niya, “I admit I felt a bit insensitive. As we were decorating our home, there is someone who might not be able to celebrate Christmas this year."

Kaya naman habang sila ay nagde-decorate, nag-announce si Angel na bubunot siya randomly kahit isa lang sa mga magkukuwento tungkol sa kanilang nararanasan tuwing sumasapit ang Kapaskuhan, subscriber man ng YT channel nila ni Neil o hindi.

Kinlaro ng aktres na sa kabila ng mga hirap na pinagdaraanan natin, hindi naman mapipigilang iselebreyt ang Kapaskuhan. Gusto raw niyang makatulong na mas maging merrier ang Pasko ng kanyang mabubunot.

Ang premyong makukuha ng mabubunot ni Angel randomly ay P20 K!

“Don’t get me wrong, I am not saying we shouldn’t celebrate or share our Christmas preparations. I’m a sucker for celebrations and I believe everyone should be rejoicing the birth of Jesus Christ. That is why I wanted to somehow help make someone else’s Christmas a bit merrier,” saad ni Angel.

Pahabol pa nito, “Na kahit isang pamilya lang, maramdaman nila ang diwa ng Pasko at maipaalala sa kanila na buhay ang Christmas miracle.”

“And this person doesn’t need to be a subscriber. Just the first person na nabasa ko ang comment at kuwento. And we found her,” bulalas ng aktres.

“Maligayang Pasko sa 'yo, Jenalene Gaviola Dalloso of Cebu! Hiling namin ang mapasaya ka at makapag-celebrate kasama ng iyong mga mahal sa buhay!”

Nagpalakpakan ang mga commenters at nanonood ng vlog.

Komento nga ng isang netizen, "DARNA strikes again."