Anak ni Erap, Kapamilya star na… JAKE, GAME MAKATRABAHO ANG EX NA SI ANDI, PATI SI JACLYN

ni Vinia Vivar - @Frankly Speaking | May 02, 2021

Back-to-back with Sunshine sa mediacon ay si Jake Ejercito na isa na ring Kapamilya at first project niya nga itong Marry Me, Marry You.

Actually ay last year pa pumirma si Jake sa Star Magic, pero biglang nagkaroon ng pandemic kaya hindi agad siya nagkaroon ng proyekto. Bukod pa rito ay nag-off-the-air na nga rin ang ABS-CBN.

“I’ve actually met with the bosses, I think, it was a few days before the first lockdown. So, March of 2020, I had a meeting with Tita Cory (Vidanes) and sina Sir Deo were there, with the understanding na pipirma na and everything. Kaso nga lang, naudlot ng pandemic, and eto, it took a year bago natuloy,” ani Jake.

Pero sulit naman ang paghihintay niya dahil nang i-offer daw sa kanya ang Marry Me, Marry You ay na-excite na siya at lahat daw ng nasa checklist niya ay namarkahan.

“When I got the offer to do this project, talagang… and I saw the cast who I’ll be working with, talagang it’s so overwhelming, it’s exciting and nerve-wrecking at the same time,” he said.

Kung dati ay reluctant actor si Jake dahil nga nag-aaral pa siya that time sa Singapore, this time, hopefully ay full-time na raw siya talaga sa pag-aartista and looking forward na nga raw siya na mag-taping.

When asked kung willing ba siyang makasama ang ex-girlfriend at ina ng kanyang anak (Ellie) na si Andi Eigenmann sa isang proyekto, ani Jake ay bakit naman daw hindi?

“Yeah, why not? I mean, if the opportunity arises. Pero ano ‘yun, siguro, pang-heavy drama ‘yun kung Andi, 'no? The Heiress of Drama kasi siya before, eh. But yeah, why not?” sabi ni Jake.

Tinanong din namin kung willing ba siyang makatrabaho ang ina ni Andi na si Jaclyn Jose at ani Jake, “Oo naman po, it would be an honor. Of course, ano, 'di ba, CANNES Best Actress. Of course, definitely.”