Anak, ayaw tantanan sa isyung bading… KRIS, IDEDEMANDA ANG BASHER NI BIMBY

ni Nitz Miralles - @Bida | April 25, 2021

Naka-off ang comment section ng basher na pinuntirya ang hand gesture ni Bimby habang kausap ng mom niyang si Kris Aquino sa one-on-one interview nila. Deleted na rin ang comment dahil hindi na mahanap.

Tama ba ang dating sa amin ng sagot ni Kris na “I look forward to the day I see you face-to-face” na idedemanda niya ang basher?

Alam ni Kris na sasabihan siyang dedmahin ang basher, pero aniya, “Paminsan-minsan, kailangan sumabak din sa putikan para patunayan na TAO pa rin ako at NANAY ako. FAIR IS FAIR. Inatake ang anak ko, karapatan kong rumesbak. ENOUGH with turning the other cheek. Hindi po ako candidate for sainthood.”

Based sa Spain ang basher, kaya hintayin natin ang mga susunod na gagawin ni Kris para matigil na ang pamba-bash ng una, lalo na sa mga batang gaya ni Bimb.