ALI KHATIBI, MILYONES ANG NAKUHA SA ANNULMENT NILA NI CRISTINE

ni Erlinda Rapadas @Teka Nga | April 27, 2024

MAHIGIT isang taon nang annulled ang kasal ni Cristine Reyes sa ex-husband niyang si Ali Khatibi, kaya malaya silang lumantad at umamin sa relasyon nila ni Marco Gumabao. 

At dahil dito, inilabas na rin ni Ali Khatibi sa social media ang bago niyang karelasyon na si Dona Balmadrid. 

Ayon sa ilang malalapit na kaibigan ni Cristine, gumastos ang aktres ng malaking halaga na umabot sa milyon para sa annulment ng kasal nila, at milyones din ang nakuha ni Ali mula sa conjugal property nila ni Cristine.

Ngayon ay tahimik at masaya na ang love life ng aktres dahil nakatagpo ito ng bagong pag-ibig sa aktor na si Marco Gumabao. 

Compatible naman sila at magkasundo sa maraming bagay. Tanggap din ni Marco ang anak ni Cristine na si Amara.