ALDEN AT KATY PERRY, MAGSASAMA!

ni Nitz Miralles - @Bida | March 18, 2021

Kasama si Alden Richards sa maraming international performers na mapapanood sa Lazada Super Party scheduled on March 26 at airing sa six Southeast Asian countries.

Sina Alden at Mimiyuuuh lang ang from the Philippines. Kasama nila sina Agnez Mo, Raisa and 3 Diva from Indonesia; Haqiem Rusli and Ismail Izzani from Malaysia; Jasmine Sokko and Nathan Hartono from Singapore; Bella Ranee Campen and Da Endorphine from Thailand; and Ha Anh Tuan, Tran Than and Den from Vietnam.

Performers din ang NTC Dream ng South Korea at si Katy Perry. Kahit virtual party ang mangyayari, iba pa rin na makasama si Alden lalo’t airing din ito sa ibang bansa. Locally, mapapanood ang Lazada Super Party sa GMA-7, 9:30 PM.

Speaking of Alden, balitang uunahin nitong gawin ang bago niyang series sa GMA-7 habang hindi pa sila nagsu-shooting ni Bea Alonzo ng Pure Soul. Hindi raw mamadaliin ang shooting ng movie dahil hihintayin ng mga producers na magbukas ang mga sinehan dahil gusto nilang sa sinehan ito mapanood.