Alamin: Ano ang nararapat gawin upang makuha ang mana?

ni Atty. Persida Rueda-Acosta - @Magtanong Kay Attorney | September 14, 2021

Dear Chief Acosta,

Dalawang buwan na ang nakalilipas mula nang mamatay ang aking nanay. Hanggang ngayon, hindi ko pa rin nakukuha ang aking bahagi sa kanyang mga ari-arian. Hindi naman nakikipag-usap ang aking ama tungkol dito. Ano ang nararapat kong gawin upang makuha ko na ang aking mana? – Ivan

Dear Ivan,

Para sa inyong kaalaman, ang Article 103 ng Family Code of the Philippines ang batas na nakasasakop sa inyong idinudulog. Ayon sa nabanggit na Artikulo:

“Art. 103. Upon the termination of the marriage by death, the community property shall be liquidated in the same proceeding for the settlement of the estate of the deceased.

If no judicial settlement proceeding is instituted, the surviving spouse shall liquidate the community property either judicially or extra-judicially within six months from the death of the deceased spouse. If upon the lapse of the six months period, no liquidation is made, any disposition or encumbrance involving the community property of the terminated marriage shall be void.

Should the surviving spouse contract a subsequent marriage without compliance with the foregoing requirements, a mandatory regime of complete separation of property shall govern the property relations of the subsequent marriage.” (Binigyang-diin)

Base sa mga nabanggit, kinakailangang ang inyong ama, bilang surviving spouse ang mag-liquidate ng mga ari-arian nilang mag-asawa, dumaan man ito sa Korte o hindi, sa loob ng anim na buwan mula sa pagkamatay ng inyong ina. Kung sakaling hindi niya ito magawa sa nakasaad na panahon, anumang disposisyon ng kanilang ari-arian ay itinuturing ng ating batas na walang bisa.

Sana ay nabigyan namin ng linaw ang inyong katanungan. Ang payong aming ibinigay ay base lamang sa mga impormasyon na inyong inilahad at maaaring magbago kung mababawasan o madaragdagan ang mga detalye ng inyong salaysay.

Maraming salamat sa inyong patuloy na pagtitiwala.