Alam na this, Yassi!... COCO AT JULIA, NAKA-COUPLE JOGGING SUIT AT CAP HABANG NAGLALAKAD SA VILLAGE

ni Nitz Miralles - @Bida | February 21, 2021

Nakunan ng video sina Coco Martin at Julia Montes na magkasamang nagbi-brisk walking sa parang subdivision. Twinning ang dalawa sa suot nilang jogging suit at pareho ring nakasuot ng cap, pero nakilala pa rin sila ng mga nakakita sa kanila.

Nagdya-jogging daw ang dalawa at sa lugar na may mga bahay at nakaparadang kotse, nag-brisk walking na muna sila. Tuwang-tuwa ang mga nakakita sa litrato nina Coco at Julia pati ‘yung video na sabay silang nagbi-brisk walking. Patunay daw ito na totoo ang relasyon nila kesa sa iginigiit daw ng mga shippers nina Coco at Yassi Pressman na sila ang may tunay na relasyon.

Kahit wala na si Yassi sa Ang Probinsyano, marami pa rin ang naniniwalang they are in a relationship ni Coco na ayaw tanggapin ng mga fans nina Coco at Julia dahil sila raw ang tunay na couple at may mga ebidensiya sila.