Aktres nakalimot ... XIAN, UMAMING SA KOTSE NAKUHA SI KIM

ni Vinia Vivar - @Frankly Speaking | November 7, 2021

Matagal-tagal din palang pinahirapan ni Kim Chiu si Xian Lim bago niya sinagot ang aktor.

Sa Ask KimXi vlog ni Xian ay may nagtanong kung gaano raw katagal nanligaw si Xi kay Kim at sagot ni Chinita Princess ay one and a half years.

“One and a half. Basta nag-one year din kaming ano. Kasi siyempre, para sure. Ayoko namang makipaglaro sa feelings ko, 'di ba?” sabi ni Kim.

Sabi naman ni Xi, “Our relationship is like building a house. Dapat strong ‘yung foundation.

Kung hindi strong ang foundation ninyo, kung laru-laro lang naman ‘yan sa umpisa, mabilis din ‘yang mabubuwag. Make sure the foundation is great before you jump into anything.”

Agree naman si Kim, “Yes, dapat matagal.”

Hirit naman ulit ni Xian, “The foundation should be strong. Kung biglaan n’yo lang sinagot ‘yung tao, konting yanig lang, wala na.”

May nagtanong naman kung saan sinagot ni Kim si Xian at noong una’y hindi pa matandaan ni Chinita Princess.

Si Xian ang nagpaalala na sa car siya sinagot ng girlfriend.

“Sa car? Na nag-long drive tayo. It’s either in the car or your house,” ani Xian.

Hindi pa rin maalala ni Kim, kaya sey ni Xi, “I remember, kasi 'di ba, tinanong talaga kita, very traditional tayo. Tinanong talaga kita, ‘Kim, will you be my girlfriend?’”

Later ay naalala na rin ni Kim at sa kotse nga raw.

Sa ngayon ay ikino-consider ang relasyong KimXi na isa sa mga long-term relationships sa showbiz. If we remember it right, nasa 8 years na rin ang kanilang relasyon ngayon.