Aktres, kabe-break lang daw kay Xian… PAULO, HINAY-HINAY LANG KAY KIM
ni Beth Gelena @Bulgary | May 26, 2024
Ayon kina Paulo Avelino at Kim Chiu, hindi sila love team.
Ang dalawa ngayon ang kinakikiligan ng mga fans kung saan ang fandom nila ay tinawag na KimPau.
Swak ang kanilang chemistry, kaya naman laging trending ang kanilang teleserye mula sa Linlang hanggang sa Pinoy adaptation ng K-drama na What's Wrong With Secretary Kim?.
Nakapanayam ang KimPau at naitanong sa kanila kung hindi ba sila aware na inili-link sila ng kanilang mga fans sa isa't isa.
Ani Paulo, “I would ‘ship’ (from the word relationship) them as well, pero hinay-hinay lang.
Kim just came from a [failed] relationship — not that I’m meddling. Just don’t.”
Hayaan na lang daw na mag-enjoy ang mga fans kung ano ang nakikita sa kanila na inayunan naman ng Chinita Princess.
Ayon pa sa It's Showtime host, naa-appreciate nila ang ginagawa ng kanilang mga fans at sana raw ay suportahan sila sa lahat ng projects na kanilang gagawin.
Maging ang effort ng mga fans para sila mag-trending sa social media ay sobra nilang ina-appreciate.
Pahayag pa ng aktor, hindi sila love team ni Kim at ‘di raw niya gusto ang stigma ng love team culture sa ‘Pinas.
“Our producer once told us that the idea of love team is not known in other countries. The term is used only here in the Philippines. I’d rather use ‘tandem’ or ‘onscreen partner.’ I don’t like the stigma associated with being part of a love team,” esplika ng aktor.
Para naman kay Kim, tinanggap nila ang project dahil sa story and not because they wanted to be identified as a love team.
Comments