Aktres, jackpot! KANONG BF NI VINA, GUWAPO NA, BIG TIME PA

ni Erlinda Rapadas @Teka Nga | November 10, 2023

Marami sa mga kaibigang artista ni Vina Morales ang natutuwa sa balitang masaya siya at in a relationship sa isang American guy na si Andrew Kovalcin.

Nakilala ni Vina si Andrew sa Hawaii nang mag-show siya roon 21 years ago at muli silang nagkita nang manood si Kovalcin ng kanyang concert tour sa Miami, Florida.

Bumisita na sa 'Pinas si Andrew at nakita silang magkasama ni Vina sa Boracay.

Big time itong si Andrew Kovalcin dahil siya ang nagre-represent ng 500 companies abroad. Pinakamalaki niyang hawak ang US Chamber of Commerce. Si Andrew Kovalcin ang Senior Director of Advocacy and Exterior Affairs ng US Chamber of Commerce.

Marami siyang koneksiyon sa malalaking kumpanya abroad dahil sa malawak niyang experience.

At mukha namang disente at responsable itong si Andrew Kovalcin. Kaya wish ng mga malalapit na kaibigan ni Vina ay si Andrew na ang makatuluyan niya. Sana, si Andrew K. na ang Mr. Right para kay Vina Morales.

It's high time na muli siyang magkaroon ng love life. Deserve niyang lumigaya.

Ilan sa mga naging karelasyon ni Vina Morales ay sina Keempee de Leon, Robin Padilla, Sen. Migz Zubiri, Cedric Lee at ang Frenchman na si Marc Lambert.

Nag-break sila ni Lambert noong 2017. Nagkaroon siya ng isang anak kay Cedric Lee, si Ceana.