Aktres, habang haping-hapi na kay Gerald… JULIA, PINAYUHAN SI JOSHUA NA 'WAG MUNANG MAG-GF ULI
- BULGAR
- Apr 23, 2021
- 1 min read
ni Vinia Vivar - @Frankly Speaking | April 23, 2021
Pinayuhan daw ni Julia Barretto ang ex-boyfriend na si Joshua Garcia na huwag munang mag-girlfriend. Ganito raw ngayon ang friendship nilang dalawa.
Ikinuwento ito ni Boy Abunda sa kanyang The Best Talk digital show. Aniya ay nakausap niya si Julia at marami silang napagkuwentuhan kabilang na nga si Joshua.
“Sabi niya (Julia), ‘Alam mo, Tito Boy, ‘yung pagiging magkaibigan namin ni Joshua ngayon is at its best. We’re very, very good friends,’” tsika ng King of Talk.
The funny thing, ayon pa kay Julia, ay siya na ang nagbibigay ng payo ngayon kay Joshua at sabi raw niya sa ex, “Joshua, ‘wag ka muna mag-girlfriend. Mag-concentrate ka sa trabaho mo.”
Ani Kuya Boy, “Because she sees how passionate and how driven Joshua Garcia is as an actor.”
Napag-usapan din daw nila of course ang current boyfriend ni Julia na si Gerald Anderson at ayon sa young actress, the best thing about him is he guides her.
“She’s very happy, obviously, very happy,” kuwento pa ni Kuya Boy.
Comments