Aktres at mister na si Chiz, may kinalaman daw… DOJ, IDINENAY NA HINARANG ANG PAG-ALIS PA-DUBAI NG DATING GLAM TEAM NI HEART

ni Beth Gelena @Bulgary | January 28, 2024

Kinumpirma ng Department of Justice (DOJ) na  walang hold departure order sa ex-glam team ni Heart Evangelista. 

May lumabas kasing hinold umano ang former glam team ni Heart na sina Justin Soriano at Jeck Aguilar na makapagbiyahe patungong Dubai. 

Pinabulaanan ang alegasyong ito ng DOJ spokesperson na si Mico Clavano.

Nakatanggap umano ng report si Clavano na ang isyu nina Jeck at Justin was on the side of Dubai’s airport and authorities. 

Ang espekulasyon naman ng mga netizens ay may kinalaman umano ang mag-asawang Heart at Senator Chiz Escudero due to Heart’s falling out with her former glam team. 

“It was found that there was no derogatory record. Wala naman po siyang HDO. Wala rin siyang international lookout bulletin order,” ani DOJ Spokesperson Clavano. 

Dagdag pa niya, “On the side of the Philippines, wala naman tayong problema… it was on the side of the Dubai airport and Dubai authorities na nagkaproblema,” esplika nito.