Aktor, natikman na… IBINULGAR NI ARIELLA: TONY, MAALAT!

ni Janiz Navida - @Showbiz Special | June 4, 2022

Natawa kami kay Ariella Arida nang ipa-describe namin sa kanya ang 'breath' ng leading man niyang si Tony Labrusca sa Breathe Again movie na palabas na sa Vivamax simula nu'ng June 3.

Sabi kasi niya, 'salty' si Tony since ang mga eksena nila ay mostly underwater.

Pero pagdating sa chemistry, mukhang nagswak naman agad sina Ariella at Tony kahit pa first team-up nila ito sa Breathe Again.

It seems super comfortable nga ang beauty queen-turned actress doing sexy and intimate scenes with Tony and her other leading man na si Ivan Padilla.

Kina-career na talaga ni Ariella ang pag-arte at sabi nga niya, willing naman siya sa mga sexy scenes pa sa movie as long as 'artsy' ito at kailangan talaga sa eksena.

Ang Breathe Again ang unang full-length movie ni Raffy Francisco na kilala bilang direktor ng mga TV commercials. Siya mismo ay mahilig sa dagat at ito ay makikita sa kanyang mga kuhang litrato.

Samantala, hindi na bago kay Miss Universe Philippines (2013) Ariella Arida ang paggawa ng mga maseselang eksena matapos maging bahagi ng mga pelikulang tulad ng Sarap Mong Patayin at More Than Blue.

Abangan kung gaano kainit ang kanyang eksena kasama si Tony Labrusca. Ito ang unang pelikula ni Tony sa Viva matapos ang dalawang taon. Bumida siya sa Hindi Tayo Pwede noong 2020.