Aktor, 21 yrs. old na noon… COCO, UMAMING 13-ANYOS PA LANG SI JULIA, TYPE NA TYPE NA NIYA

ni Nitz Miralles - @Bida | August 03, 2021

Kinilig pang lalo ang mga fans nina Coco Martin at Julia Montes sa inamin ng aktor na 13 years old pa lang si Julia — at siya naman ay 21 years old that time — ay nagparamdam na siya sa aktres.

Ibig sabihin, matagal nang gusto ng aktor si Julia, mula pa noong magkasama sila sa teleseryeng Walang Hanggan.

“Ano pa siya noon, bagets, mga 13, 14 years old. Ako naman, siguro, mga 21 years old. Nagtangka ako sa kanya... nagtangkang mambola, na-reject ako. Tapos, after that, nu’ng ano na, nagkita na kami sa ano na, Walang Hanggan...,” pag-amin ni Coco sa interview sa kanila ni Julia sa TV Patrol.

Sabi naman ni Julia, “'Yung mga misconception na akala niya, ayaw ko sa kanya, siyempre, ‘yun, napag-usapan din naman, so mas... na-prove ko ba?”

Sinundan ito ni Coco sa pagsasabing “Siyempre, na-prove ko naman na okay ako sa kanya, saka... ayun... pa’no ba i-explain?”

Kuwento pa ni Coco, sa pelikulang A Moment in Time sila naging komportable ni Julia. Sa lola lang daw ng aktres hindi siya agad umokey. Pero ngayon, siguro naman, okay na okay na si Coco sa lola ni Julia.

Sa inamin ni Coco, lumalabas na nine years ang age gap nila ni Julia at hindi ‘yun naging problema sa kanila. Wala tayong narinig na naging problema nila at wala tayong nabalitaan na nag-away sila.

Ready na ang CocoJuls fans na mapanood sina Coco at Julia gabi-gabi sa FPJ’s Ang Probinsyano.