After pumiyok ang misis… MAYOR ALBEE, NAGSALITA NA SA KUMALAT NA MAGKASAMA SILA NI IVANA SA JAPAN

ni Beth Gelena @Bulgary | February 10, 2024

Naglabas ng pahayag si Bacolod Mayor Albee Benitez tungkol sa pag-link sa kanya kay Ivana Alawi.

Naging usap-usapan kasi sa showbiz ang politician-producer ng Brightlight Productions na girlfriend umano nito ang sikat na sexy actress kung saan nasulat ding hiwalay na siya sa asawa. 

Ani Mayor Albee sa inilabas niyang statement, "As for recent personal matters, I kindly request understanding and respect for privacy to shield all innocent parties involved.”  

Kinlaro rin ng public official na bilang producer ay normal lang na magkaroon siya ng professional interaction sa mga known celebrities.

“In my private capacity as a film and TV program producer, my professional interaction with various celebrities is inherent to the nature of the business.” 

Napag-usapan ang pulitiko at si Ivana nang makita diumano sila sa Japan na magkasama. 

Kumalat agad sa social media ang tungkol sa kanilang dalawa.

Dedma lang naman ang seksing aktres sa mga nasusulat hinggil sa kanila. 

Sambit ng Bacolod mayor, “At this moment, my primary focus is on safeguarding the interests of Bacolod City.”

Si Mayor Albee ang ama ni Victorias City Mayor Javi Benitez, ang boyfriend ng aktres na si Sue Ramirez. 

Photo: FB / Circulation

Kamakailan ay nagsalita rin ang misis ni Mayor Albee na si Nikki na hindi sila hiwalay na mag-asawa. 

Wala raw silang discussions about separation or annulment with her husband. 

Magkasama pa rin daw sila sa iisang bubong for 31 years and maintaining their family’s unity. 

Kumuda ang misis ni Mayor Albee nang may kumalat na isyu sa social media na suggesting romantic links with a vlogger and several actresses.