ni Nitz Miralles @Bida | April 18, 2024
Natukso na naman ni Vice Ganda si Kim Chiu kay Oliver Moeller dahil bumisita ang lawyer na naka-date ni Michelle Dee sa EXpecially For You segment ng It’s Showtime.
Bumisita sa show si Oliver noong Tuesday at nakita siya ni Vice kasama ang audience.
Nagulat pa si Vice nang makita si Oliver at sinegundahan ni Vhong Navarro ang sinabi nito na mukhang may binibisita ang lawyer.
Agad sumagot si Vice ng “Naku, si Kim Chiu yata binibisita,” na ikinatawa ni Kim.
Ayon naman kay Oliver, “Just wanted to meet some people lang here,” at hindi na sinabi kung sino ang mga taong gusto niyang bisitahin.
Kinumusta rin kay Oliver ang date nila ni Michelle Dee at okay naman daw pero hindi na siya nag-elaborate. Pero, sinabi nito sa date nila ni Michelle, gusto niyang makilala pa nang husto ang beauty queen.
Samantala, kahit may kinikilig kina Kim at Oliver, mas marami pa rin ang kinikilig kina Kim at Paulo Avelino. Sila pa rin ang bet ng mas marami at naniniwalang ang KimPau ang may tunay na relasyon.
In fact, sa bagong post ni Kim na nasa beach siya, ang feeling ng mga fans, si Paulo ang kumuha ng photos ng aktres. Izinoom daw nila ang photos ni Kim at nakita nilang ang leading man nito sa What’s Wrong with Secretary Kim? ang kumuha ng photos ng aktres.