Abril, “Buwan ng mga Beterano ng Pilipinas“

ni PAO Chief Persida Rueda-Acosta @Magtanong Kay Attorney | September 24, 2026

Dear Chief Acosta,

Itatanong ko lamang po kung may batas ba na nagtatalaga kung kailan ipinagdiriwang o nagkakaroon ng selebrasyon para sa mga beteranong Pilipino? Salamat po. — Joel T.

---

Dear Joel T.,

Ang sagot sa iyong katanungan ay matatagpuan sa Seksyon 2 ng Republic Act (R.A.) No. 12320, o kilala rin sa tawag na “Philippine Veterans’ Month Act,” kung saan nakasaad na:

“Section 2. Declaration of Policy. - The State recognizes the immeasurable contributions, unwavering commitment, and extraordinary sacrifices of Filipino veterans in the defense of the nation's sovereignty, territorial integrity, and the freedom of the Filipino people. Pursuant to Article XVI, Section 7 of the Constitution, the month of April is hereby declared as the "Philippine Veterans' Month" to honor, recognize, and commemorate our heroes while ensuring that adequate care, benefits, and assistance are extended to them and their families.”

Ayon sa nasabing probisyon ng batas, ang buwan ng Abril ay idineklara bilang "Buwan ng mga Beterano ng Pilipinas" o “Philippine Veterans’ Month” upang parangalan, kilalanin, at gunitain ang ating mga bayani habang tinitiyak ang sapat na pangangalaga, mga benepisyo, at tulong sa kanila at sa kanilang mga pamilya. 

Karagdagan dito, nakasaad sa Seksyon 5 ng R.A. No. 12320 ang mga sumusunod na ahensya ng gobyerno na inatasang magsagawa at magpapahusay ng mga aktibidad at programa na nagtataguyod ng pag-alala sa mga beteranong Pilipino:

“Section 5. Lead Agencies and Coordination Framework. - The Philippine Veterans Affairs Office (PVAO) and the Department of National Defense (DND), in coordination with the Department of the Interior and Local Government (DILG), the Department of Health (DOH), the Department of Education (DepEd), and other relevant government agencies, shall conduct and enhance activities and programs that promote remembrance of Filipino veterans, their patriotic sacrifices, and their essential role in protecting the country and the Filipino people, thereby raising awareness and fostering love of country, especially among the youth.”

Ang nasabing batas ay sang-ayon sa polisiya ng gobyerno na kinikilala ang hindi masukat na mga kontribusyon at pambihirang sakripisyo ng mga beteranong Pilipino sa pagtatanggol ng soberanya ng bansa, integridad ng teritoryo ng bansa, at kalayaan ng sambayanang Pilipino.

Sana ay nabigyan namin ng linaw ang iyong katanungan. Ang payong aming ibinigay ay base lamang sa mga impormasyong iyong inilahad at maaaring magbago kung mababawasan o madaragdagan ang mga detalye ng iyong salaysay.

Maraming salamat sa iyong patuloy na pagtitiwala.