8 yrs. nang nagsasama, game nang magkaanak… ICE AT LIZA, MAY SPERM DONOR NA!

ni Erlinda Rapadas - @Teka Nga! | March 8, 2021

Nag-celebrate ng 8th anniversary ang showbiz couple na sina Film Development Council of the Philippines (FDCP) Chair Liza Diño at Ice Seguerra.

Nalampasan na nila ang tinatawag na 7-year itch kaya tiyak na masaya at smooth-sailing na ang mga susunod pang taon ng kanilang pagsasama.

At dahil wala namang gaanong activities ang FDCP dahil sa COVID pandemic at hindi na rin gaanong busy si Chair Liza, pupuwede na nilang pag-usapan-planuhin ang kanilang baby project na naisantabi.

Parehong pangarap nina Ice at Chair Diño ang magkaroon ng sariling anak. May sperm donor na rin silang nahanap pero mahabang proseso pa rin ang pagdaraanan at malaking halaga ang kakailanganin.

Through the years ay naging matatag ang relasyong Liza at Ice. Kahit marami silang pinagdaanang pagsubok, hindi sila bumitaw sa isa’t isa.

Super thankful si Ice kay Liza dahil dinamayan siya nito sa panahon na madilim ang kanyang mundo at inaatake siya ng matinding depression.

Si Liza ang nagsilbing lakas at liwanag na kanyang nakapitan kaya naman super sweet ang anniversary message niya sa kanyang lady love na tumayong kanyang BFF, critic, number one fan, best wife at lover.