7 yrs. nang magdyowa... GABBI AT KHALIL, NAPAG-UUSAPAN NA ANG KASAL

ni Erlinda Rapadas @Teka Nga | March 15, 2024

Seven years nang magkarelasyon sina Gabbi Garcia at Khalil Ramos. So far, wala silang major fights at smooth-sailing ang kanilang relationship dahil nagsilbing inspirasyon nila ang isa’t isa.

Walang puwang ang professional rivalry kina Gabbi at Khalil. Maging ang malalapit nilang kaibigan at fans ay sinusuportahan ang kanilang tandem in real life. At hindi nila kailangan na laging magsama at magkapareha sa mga projects na kanilang ginagawa.

Sa katunayan, inamin nila na naglalaan sila ng time para magkasama kahit busy sa kanilang career.

Ngayong seven years na silang magkasintahan, ine-expect ng mga fans and supporters nila na mauuwi sa kasalan ang lahat.

Aminado naman sina Gabbi at Khalil na pinag-uusapan nila ang tungkol sa pagpapakasal. Pero, sa isang interbyu, sinabi nila na hindi sila nagmamadali at marami pa silang pangarap na gustong abutin since may mga commitments pa na dapat tapusin at ayusin.