5 nominado sa pagka-Chief Justice, nasa kamay na ni PBBM

ni Mervin Reyes @News | October 30, 2026

Photo: File / Supreme Court PH

Isinumite na ng Judicial and Bar Council (JBC) kay Pangulong Ferdinand Marcos Jr. ang listahan ng mga nominado para sa mga bakanteng posisyon ng Chief Justice at Associate Justice ng Korte Suprema.

Magkakaroon ng bakante sa pinakamataas na hukuman sa bansa kasunod ng nakatakdang pagreretiro ni Chief Justice Alexander Gesmundo sa Nobyembre 6 at ni Associate Justice Amy Lazaro-Javier sa Nobyembre 16.

Kabilang sa mga nominado para sa Chief Justice sina Senior Associate Justice Marvic Leonen at Associate Justices Alfredo Benjamin Caguioa, Rodil Zalameda, Japar Dimaampao at Jose Midas Marquez.

Nauna namang umatras sa kanilang nominasyon sina Associate Justices Ramon Paul Hernando at Henri Jean Paul Inting.

Para sa bakanteng posisyon ng Associate Justice, kabilang sa shortlist sina Associate Justice Ramon M. Bato Jr.; Solicitor General Darlene Marie B. Berberabe; Commission on Audit Chairperson Gamaliel A. Cordoba; Court of Appeals Associate Justices Ramon A. Cruz, Maria Elisa Sempio Diy at Myra V. Garcia-Fernandez; CA Presiding Justice Fernanda Lampas Peralta; Commission on Elections Commissioner Ernesto P. Maceda Jr.; CA Justices Ronaldo Roberto B. Martin at Walter S. Ong; at Court of Tax Appeals Associate Justice Maria Rowena M. San Pedro.

Sa ilalim ng Article VIII, Section 4(1) ng Konstitusyon, kailangang mapunan ang anumang bakante sa Korte Suprema sa loob ng 90 araw mula sa pagkakabakante.