45 patay sa pag-atake ng Israel sa Rafah

ni Angela Fernando @News | May 28, 2024

Nagdulot ng malaking sunog na pumatay ng 45 katao ang airstrike na isinagawa ng Israel sa kampo sa lungsod ng Gaza sa Rafah.

Dahil sa nasabing pag-atake, marami ang nagprotesta sa mga lider sa mundo at nanawagang ipatupad na ang utos ng World Court na tigil-putukan.

Kinumpirma ng Israel na lumabas sa paunang imbestigasyon na ang pag-atake laban sa mga lider ng grupong Hamas ang naging dahilan ng malaking sunog.

Agad namang nagbigay ng pahayag ang mga nakaligtas at sinabing naghahanda na ang mga pamilyang Palestinians upang matulog nang tumama ang pag-atake.