2 days magkasama sa Palawan, Daniel… ALDEN, NAG-RENT NG PRIVATE PLANE MAKADALO LANG SA B-DAY NI KATHRYN

ni Nitz Miralles @Bida | Abril 1, 2024

Nag-private plane pala si Alden Richards papunta sa El Nido, Palawan para makadalo sa birthday bash ni Kathryn Bernardo. Wala na raw regular flight papuntang El Nido, kaya sa private plane na lang siya sumakay at mga kasama.

Natuwa ang mga fans ni Kathryn sa gesture na ‘yun ni Alden na gumastos para lang makadalo sa birthday ng aktres na two days ginawa. Kaya maraming recorded na ganap dahil dalawang araw ang party.

Panghaharana ni Alden kay Kathryn ang itinawag sa duet nina Alden at Kakai Bautista ng Bakit Ngayon Ka Lang?. May mga kinilig at may nag-comment naman na simula na ‘yun ng promo dahil sa paniniwalang magkakaroon ng sequel ang Hello, Love, Goodbye.

Si Alden pala ay tumatakbo every Sunday sa Ayala Avenue na idineklarang carless kaya puwedeng tumakbo at mag-walking with your pets. 

Minsan nang tumakbo sina Kathryn at Jericho Rosales, so kapag nayaya raw ni Alden si Kathryn na tumakbo sa Ayala, Avenue, kikiligin nang triple ang KatDen shippers.