ni Ronalyn Seminiano Reonico | April 16, 2021
Nakapagtala ang Department of Health (DOH) ng 10,726 karagdagang kaso ng COVID-19 sa bansa at sa kabuuang bilang ay umabot na ito sa 914,971 ngayong Biyernes.
Ayon naman sa DOH, anim na laboratoryo ang hindi nakapagsumite ng datos sa takdang oras.
Mayroon pang 193,476 aktibong kaso sa bansa kung saan 96% ang may mild symptoms at 2.9% ang asymptomatic.
Ayon din sa DOH, umabot na sa 705,757 ang bilang ng mga gumaling na sa COVID-19 matapos makapagtala ng 650 karagdagang recoveries.
Umakyat sa 15,738 ang bilang ng mga namatay dahil sa COVID-19 matapos makapagtala ang DOH ng karagdagang 145 pasyenteng pumanaw ngayong Biyernes.