YASSI, IPINAGSIGAWANG NABUDOL SIYA SA P2.7 M NA RELO

ni Nitz Miralles - @Bida | November 14, 2022

Tsinek namin ang photos ni Yassi Pressman sa unveiling niya bilang 2023 Ginebra San Miguel Calendar Girl para makita kung may suot siyang relo. Bago kasi ang launching sa kanya, nabalitang bumili si Yassi ng worth P2.7 million wristwatch.

Nagbiro si Yassi na nabudol siya, pero sa report ng Preview, “The actress was all giddy with smiles when she stepped foot in the watch store Vintaga Grail,” na ibig sabihin, handa siyang magwaldas nang milyon sa magugustuhan at mapipiling relo.

Napili raw ni Yassi ang Audemars Piguet’s selfwinding Royal Oak na ang description ay “wristwatch crafted with a black ceramic case detailed with 18-carat pink gold screw.”

Napatili raw sa tuwa si Yassi nang isuot sa kanya ang relo.

“Oh, I’m just gonna pass by lang... Nabudol ako sa Vintage Grail,” biro raw ni Yassi at nagpasalamat sa representative ng store na nag-asikaso sa kanya.

May mga netizens na gustong malaman kung magkano ang talent fee ni Yassi bilang 2023 Ginebra San Miguel Calendar Girl. Baka raw kaya bumili nang milyones na relo si Yassi ay dahil babalik din sa kanya ang P2.7 million from her talent fee.

Sabi pala ni Yassi, masaya ang Christmas niya this year dahil bibisita ang family niya.

Bukod pa sa marami siyang projects, ini-launch na nga siya as 2023 Ginebra San Miguel Calendar Girl at may mamahalin siyang relo.

Bitin lang ang mga netizens sa six layouts na inilabas ng Ginebra San Miguel. Sana raw ay dinagdagan para mas enjoy. Puwede naman yatang mag-photo shoot uli si Yassi kung maraming request.