YASSI, INILANTAD NA ANG BF NA FIL-CANADIAN BASKETBALL PLAYER

ni Beth Gelena - @Bulgary Files | July 23, 2022

Kalat sa social media ang picture ni Yassi Pressman at ng Filipino-Canadian basketball player boyfriend niyang si Jon Semira kung saan hinahalikan niya ito sa cheek, tanda ng pagbati rito ng happy birthday.

Sa posted na Instagram photo, nilagyan ito ni Yassi ng caption na: "I promise to keep giving you surprise cheek kisses at random times of the day."

Nu'ng Huwebes (July 21) in-upload ni Yassi sa Instagram ang larawan nila ni Jon mula sa Amsterdam, Netherlands.

Medyo nakakubli ang mukha ng guy kaya hindi gaanong maaninag.

Walang name na binanggit si Yassi, pero naka-tag ang Instagram account na may username na @imjonnytsunami.

Kapag tsinek ang account, ang real name na nakalagay ay Jon Semira.

Sinabi pa ni Yassi sa caption, masaya siyang nagkatagpo silang dalawa.

Heto ang kabuuan ng caption ng aktres: “HBD [heart emoji] so happy with where life has brought us, so lucky to have you calm my anxieties, hold my hand, push me to become better & empower me.

"I promise to keep giving you surprise cheek kisses at random times of the day even when you think I'm kulit [round eyes, smiling with a hand over his mouth emoji]”

Nagpaabot din ng pagbati para sa boyfriend ang celebrity friends ni Yassi at masaya sila para sa actress-TV host.