Women's World Cup: U.S. dinurog ang South Korea

ni MC - @Sports | September 28, 2022

Isang malupit na US Women’s basketball team ang nagtala ng bagong all-time basketball World Cup record sa iskor na 145-69 nang idemolis ang South Korea, habang nakapasok sa quarterfinals ang Belgium.

Walo sa 12 malakas na roster ng U.S. ang tumama sa doubles figures, pinangunahan ni Brionna Jones sa 24 puntos, 8 rebounds at assist sa Sydney.

Si A’ja Wilson ay nagsalpak ng 20 puntos at si Breanna Stewart ay 18 habang ang tatlong beses na defending champion ay nag-riot, kung saan si Shakira Austin ay naka-field goal sa ilang segundo na lang upang matiyak ang record.

Dati itong hawak ng Brazil, na dumurog sa Malaysia 143-50 sa isang laro ng grupo noong 1990 tournament. “Akala ko medyo mas mabagal ang simula kaysa sa gusto namin, pero may grupo kaming pumasok na talagang nagbago sa amin,” sabi ni coach Cheryl Reeve ng USA na naghahanda para sa ika-11 titulo. “We got more pressure and I think our size, the number of points we got in the paint was 90 or something. So problema namin sa kanila yung size namin and I thought we shared the ball well.”

Ang Team USA, na nag-qualify na para sa quarterfinals, ay nasa antas ng parehong offensive at defensive, pumasa ng 30 o higit pang mga puntos sa lahat ng apat na frame laban sa isang Korean team na nahirapan nang walang marquee star na si Park Ji-su.

Nag-iwan ang pagkatalo sa Asian side na humarap sa isang malupit na laro sa Group A noong Martes laban sa Puerto Rico na may quarterfinal slot na nakataya.