ni Eli San Miguel - Trainee @Entertainment | December 7, 2023
Isang pangarap na natupad para kay Heaven Peralejo ang mapili bilang calendar girl ng Ginebra San Miguel para sa taong 2024.
Ipinakita ni Heaven ang pagiging proud bilang representative ng liquor company sa 2024 GSMI Calendar Girl launch sa The Westin Manila, Pasig City, noong ika-30 ng Nobyembre.
Sa kanyang pakikipag-usap sa media, sinabi ni Heaven na nagbibigay sa kanya ang proyektong ito ng pagkakataon na iparating ang isang mensahe tungkol sa women empowerment sa pamamagitan ng fashion choices ng mga kababaihan.
Sabi niya sa isang media interview, "Even though you're wearing bikinis and everything like that, you are still empowering... to have jobs, like serious jobs. Like hindi naman pag naka-bikini ka, 'O my god, you cannot be a lawyer or anything like that,' it's more than that. It's also, parang, it's all about... making yourself feel good. So kahit ano pang isuot mo as long as you're confident and as long as you know that you are comfortable with what you wear, yeah, that's it."
Para kay Heaven, ang pagiging calendar girl ay hindi nangangahulugang pagiging sex symbol, ngunit kahit na gano’n, ano naman daw ang masama doon?
Nilinaw niya, "It doesn't necessarily mean na pag nag-calendar girl ako, kailangan ko na maghubad or what…”
“Being a calendar girl, it's about representing the brand, not just about being sexy but also representing Filipinas. I don't even think my calendars are too sexy. I think, like, it's just about empowering women and what it stands for... yun naman yung nagustuhan ko sa Ginebra kasi they never made me do that,” dagdag niya pa.