Willie, tuwang-tuwa sa bagong apo… UNANG ANAK NINA MERYLL AT JOEM, BABY BOY

ni Nitz Miralles - @Bida | January 5, 2021

Sabi sa IG Story post ni Meryll Soriano na ipinakita ang postpartum body niya, “Throughout my pregnancy, I worked out. At 36, I was determined to get my body ready for giving birth. All my hard work paid-off. Normal birth delivery. I’m proud of this.”

Hindi lang nabanggit ni Meryll kung kailan niya ipinanganak ang bago niyang baby, pero dahil sa caption na “brothers” sa ipinost na photo ng mga anak, alam nang boy ang second child niya.

Ngayon lang inilabas ni Meryll ang photo ng kanyang baby nang dalhin kay Willie Revillame, pero may nakita kaming picture nila ni Willie na nakatalikod sila at halatang may kargang baby ang papa niya. Ang nakasulat na date sa picture ay December 23, so ibig sabihin, early December o baka nga November, 2020 pa nanganak si Meryll.

And speaking of Meryll, nakita na rin ni Maricel Soriano ang baby nila ni Joem Bascon nang bisitahin ng Diamond Star ang bata na hindi pa binabanggit ang pangalan. Sabi ni Meryll, “Surprise visit from Mommy 2. Pinakaunang bisita! We love you, Mommy 2.”