Walang takot!... ENCHONG, NAGHUBO'T HUBAD SA MOVIE

ni Beth Gelena - @Bulgary Files | November 13, 2020

Mapapanood na sa Netflix sa November 15 ang movie nina Enchong Dee at Jasmine Curtis-Smith na Alter Me.

Marami na ang naghihintay na mapanood ang pelikula para raw makita nila ang nude scene ng aktor.

Hindi itinanggi ni Enchong na malaking hamon sa kanya ang mga eksenang ngayon lamang niya ginawa sa buong buhay dahil kailangan sa kuwento.

Napapayag daw siya sa daring role dahil malaki ang tiwala niya sa director na si RC delos Reyes.

Paliwanag ng aktor, "Most challenging scene siguro when you have to bare it all. When you’re in front of the people that you’re not usually being seen as someone totally naked.

"Pero I have to accept at a certain point in the shooting na, 'You know what, this will not work if I have inhibitions.'

“Drop it, and then let the director take the wheel pagdating sa editing because he will take care of you, and 'yun din naman 'yung nakita ko.

“So, nu'ng pinanood ko 'yung film, sabi ko, I’m so happy because sobrang alaga 'yung ibinigay din sa akin na sumugal din ako.”

Dati nang mahusay na aktor si Enchong. May chemistry ang team-up nila ni Jasmine dahil tulad ni Enchong, mahusay ding artista ang younger sister ni Anne Curtis.

Nagkahulihan ng loob sina Enchong at Jasmine habang ginagawa nila ang movie. Gusto raw uli niyang makatrabaho ang aktres.

"She’s someone I want to hang out with even sa labas ng trabaho. Jasmine is someone I would want to talk with for the whole day, on and on.

"Talking about life. Talking about our understanding and talking about socio-political issues. We can go on and on and I’m happy that I found that in her."