Wala pang 1 year… HEART, TSINUGI NA RAW NA ENDORSER NG GCASH

ni Janiz Navida @Showbiz Special | October 4, 2025

Photo: Heart Evangelista - IG

Matapos i-deny ng kampo ni Heart Evangelista ang kumalat na balitang tinanggal na ang aktres-fashion icon bilang endorser ng dalawang produktong kanyang ineendorso – ang Fitflop at Tiger Balm, may mga nakapansin namang Gcash users na wala na raw ang photo ni Heart kapag nagbubukas sila ng naturang app sa kanilang cellphone.

Kaya naku-curious na tanong ng ilang users ng Gcash, tinanggal din ba ang misis ni Sen. Chiz Escudero bilang endorser ng naturang produkto matapos ngang madawit ang pangalan ng former Senate President sa issue ng flood control projects?

Napansin ng ilang users na nagparating sa amin ng impormasyon na kung dati, mukha ni Heart ang makikita ‘pag nag-open ng Gcash app, ngayon ay wala na nga ito.

Kung matatandaan, January, 2025 lang nang i-launch si Heart bilang endorser ng Gcash, kaya kung totoo man ito, mukhang hindi tinapos ang kontrata niya bilang endorser na usually ay umaabot ng isa o hanggang dalawang taon, depende sa napag-usapan ng dalawang partido.

At para malaman kung totoo ngang tinanggal na si Heart, tinanong namin ang isang taong malapit sa kanya at diretsahan namang pinabulaanan ito ng kampo ng aktres.

Wala raw ganu’ng eksena at hindi totoong tinanggal si Heart kaya walang dapat ipag-alala ang kanyang mga fans.

---

May pag-asa pang gumaling…

PATUNG-PATONG NA SAKIT NI KRIS, GALING DAW SA SAMA NG LOOB

Personal naming na-meet ang successful life coach at ngayon ay biohacker na ring si Mr. John Calub sa ipinatawag niyang mediacon para ipakilala ang biohacking at frequency healing na maaari raw maging susi sa paggagamot ng cancer, diabetes at iba pang sakit nang hindi gumagastos nang malaki sa tradisyonal na gamot at operasyon.

Galing din pala sa hirap si John Calub na ngayon ay isa na sa pinakamatatagumpay na negosyante sa Pilipinas.

Sa kagustuhang makatulong sa kapwa, pumasok siya sa field ng life coaching at motivational speaking at ngayon ay kinikilala bilang isang alamat sa industriya ng self-improvement sa Asya na may titulong Philippine’s No. 1 Success Coach.

Pero nu’ng taong 2020, sinubok siya ng Panginoon at nagkaroon ng malalang sakit, ang non-bacterial chronic pelvic pain syndrome (CPPS), na ayon sa mga doktor ay “incurable” condition. Muntik na siyang maoperahan dahil sa multiple gallstones sa kanyang gallbladder.

At dahil takot sa operasyon, naghanap siya ng alternatibong paraan kung paano matatanggal ang kanyang sakit kaya nag-research siya at du’n nga nakilala ang biohacking, ang kombinasyon ng ancient healing at modern technology upang muling paganahin ang likas na kakayahan ng katawan na mabilis magpagaling.

Kasama sa mga pinag-aralan ni John ang breathwork, ayurvedic herbs, biotechnology, ice bathing, red light therapy, grounding o earthing, frequency healing, genetic testing at detoxing.

Sa loob lang daw ng 30 days na paggamit ng mga biohacking protocols, naranasan niya ang ganap at mabilis na paggaling nang hindi na kailangan ng operasyon, gamot at matagal na pagpapaospital.

Kaya naman, tinanong namin si Sir John Calub kung pupuwede rin ba ang ginamit niyang paraan para mapagaling ang patung-patong na sakit ni Kris Aquino na ilang taon na ring nagpapahirap dito.

Ayon sa sikat na biohacker, sana ay magkaroon siya ng way para matulungan si Kris at maipakilala rito ang mga ginawa niyang paraan para malunasan ang kanyang sakit.

Unang proseso raw na gagawin niya kay Kris ay genetic testing para maugat ang pinanggagalingan ng mga sakit nito, kung ito ba ay minana o maaaring dahil lang sa mga stress o sama ng loob na dala-dala nito kaya nagkaroon ito ng patung-patong na autoimmune diseases.

Sa ngayon ay may Biohacking Center sa Quezon City si Mr. John Calub kung saan maaaring matuto ang mga Pinoy at personal na maranasan ang power ng Miracles Protocol.

Ipinakilala rin niya sa Pilipinas ang paggamit ng Rife Frequency Generator, isang machine na gumagamit ng electromagnetic frequencies na tumatarget sa mga mikrobyo, virus, bacteria at maging cancer cells nang hindi sinasaktan ang malulusog na cells ng katawan. Kilala na ito ngayon bilang Pulsed Electro Magnetic Frequency (PEMF) at ginagamit na rin sa ibang bansa bilang ligtas at abot-kayang alternative way para sa health and wellness.

At para mas makatulong sa mabilisang paraan, bumuo rin si John ng mga biohacking supplements, ang Optimmune, isang advanced immune system support supplement na may kakayahang magbigay ng proteksiyon laban sa iba’t ibang sakit at mabilis na recovery.

Kaya kung mabibigyan lang daw siya ng chance na makilala si Kris Aquino at maging ang iba pang celebrities na may malalang sakit ngayon tulad nina Doc Willie Ong at Ate Gay, gustong ipakilala ni Mr. John Calub ang kanyang Miracles Protocol sa pamamagitan ng libreng frequency healing session tuwing Lunes at Biyernes, 10 AM to 5 PM sa Success Mall Office, ground floor ng Broadway Centrum, Aurora Blvd., QC.