Wa' raw paki sa sasabihin ng lahat sa kanila ni Nora… JOHN RENDEZ: MASAYA SIYA, MASAYA KAMI!

ni Vinia Vivar - @Frankly Speaking | January 26, 2021

Humarap si John Rendez sa ilang entertainment press kamakailan para pag-usapan ang kanyang bagong single under Star Music titled Not Superman.

Ang nasabing awitin ay alternative pop track na inilalarawan ang mga ala-superhero na pagsisikap ng mga tao na makatulong sa kanilang kapwa sa kabila ng maraming limitasyon.

When asked kung sino ang itinuturing niyang superhero ng kanyang buhay, ang bilis ng sagot ni John.

“Eh, di siyempre, sino pa, ang Superstar,” he said.

At siyempre pa rin, ang tinutukoy ni John ay si Nora Aunor since everybody knows naman na taon na rin ang ibinibilang ng kanilang friendship.

“That’s my boss, that’s the big boss, 'di ba?” sey pa niya. “Masaya siya, masaya kami, we don’t have to do whatever it takes to survive because we’re blessed, God has blessed us, God has blessed her. He’s keeping her safe in this pandemic and even after the loss of her voice, thank God that she still has her talent,” dagdag niya.

Natanong din si John kung ano ang isang bagay na nagawa sa kanya ni Ate Guy para masabi niyang superhero niya ang Superstar.

“'Yung friendship namin. Let them think and let them say whatever they want, it doesn’t bother me. Well, it does bother me but I don’t think about it because if I think about it, baka makalbo ako,” pagbibiro niya.

“Ayoko ng stress,” sey pa niya.

Samantala, puwede nang mapakinggan ang Not Superman ni John simula ngayong Biyernes (January 29) sa iba’t ibang digital music streaming platforms.

Abangan din ang official music video nito sa February 1 (Lunes) sa Star Music YouTube channel. Para sa iba pang detalye, i-like ang Star Music sa Facebook (www.facebook.com/starmusicph) at sundan ito sa Twitter at Instagram (@StarMusicPH).