Wa raw 'K'… KAKAI, INAMIN SI STELL NG SB19, KINUYOG NG FANS

ni Nitz Miralles @Bida | August 13, 2023

Na-bash na naman pala si Kakai Bautista nang aminin sa Fast Talk with Boy Abunda na “dream date” niya si Stell Ajero ng SB19 at crush niya ito.

Na-traumatize si Kakai dahil pati sa direct message ay mine-message siya ng mga fans ni Stell na para bang gustong sabihin sa kanya na wala siyang karapatang magka-crush kay Stell.

Dahil ayaw makabasa ng nega at hate comments, hindi na masyadong nagpo-post si Kakai lalo na at tungkol kay Stell at sa SB19. Kung itse-check nga ang Instagram ni Kakai, wala siyang post tungkol sa crush niya.

Ang tila pambawi lang ni Kakai, may ilang SB19 at fans ni Stell na naintindihan siya at naka-relate sa kanya. Totoo namang walang masama sa pagkaka-crush ni Kakai kay Stell at sa inaming dream date niya ito.

Anyway, sa inamin ni Kakai na crush niya si Stell, tututok siguro siya kapag umere na ang The Voice Generations bilang isa si Stell sa mga coaches.