Wa’ munang face-to-face campaign, pabor ‘yan sa mga incumbent!

ni Ka Ambo - @Bistado | January 07, 2022

Diskaril ang face-to-face campaign.

Pabor ito sa mga incumbent kasi araw-araw silang nangangampanya!

◘◘◘

MARAMI pa rin ang nagugutom sa Visayas at Mindanao dahil kay ‘Odette’.

Paano na sila makarerekober?

◘◘◘

LALAKAS ang prostitusyon at human trafficking dahil sa matinding pagdarahop.

Kaawa-awa naman ang kabataan!

◘◘◘

NOON, tuwing Pasko ay tambak ang mga laruan at kids attire sa bangketa.

Ngayon ay naglaho na!

◘◘◘

MARAMI sa mga nag-reunion ang nagsisisi kasi naka-quarantine sila ngayon.

Bagong estilo ‘yan ng buhay!

◘◘◘

MALABO nang madagdagan pa ang trabaho.

Magbabawas at magsasarado pa ulit ang ilang negosyo!

◘◘◘

WALA ring katiyakan kung magkakaroon ng face-to-face class ngayon taon.

Napagkaitan ang mga estudyante na makatikim ng pinakaasam-asam na graduation march!

◘◘◘

NAPARAMI naluging negosyo.

Walang panaklolo ang gobyerno!

◘◘◘

GUSTO ng PDP-Laban na buksan ang pagsusumite ng COC kahit tapos na ang deadline.

Anong kalokohan ini?

◘◘◘

MALAYA ang lahat na magpabakuna sa Maynila kahit saan nagmulang lugar.

Klap-klap-klap!

◘◘◘

MABUBULOK at mae-expire na ang COVID vaccine, pero ang ilang LGU ay nag-i-inarte pa.

Dapat silang isumpa!

◘◘◘

BAGSAK ang agrikultura at komersiyo sa Visayas at Mindanao.

Nagdarahop na ang rehiyon, lalo pang nagdahop!