Viral hanggang ibang bansa… LABAS-DILA PIKTYUR NI ALDEN, GINAGAYA NA PATI NG MGA K-POP STARS

ni Nitz Miralles @Bida | July 16, 2025

Image: Alden Richards - Reels / Circulated / Yes Mag

Kahit si Alden Richards, hindi in-expect na magiging hit at magiging viral ang ‘dila pose’ niya na ginawa sa photoshoot ng isang magasin noong 2018 pa. 

May nakahalungkat ng old photo na ‘yun, ipinost at naging viral.

Ang daming gumaya kay Alden — matanda, bata, babae, lalaki at siyempre, mga beki. Pati mga celebrities, naki- ‘dila pose’ na rin sa pangunguna ni Stell Ajero ng SB19 at members ng BINI. 

May mga K-pop stars at Chinese celebrities na nag-post na rin ng dila pose at hindi yata sila aware kung saan nag-originate ito, basta pose lang sila nang pose at nagba-viral naman.

Pati si President Bongbong Marcos, natawa sa dila pose na ginawa ng mga estudyante na nasa likuran niya habang siya’y nagsasalita. 

Sa tuwa ni Pangulong Bongbong, ipinahanap ang mga estudyante na hopefully, na-meet niya.

Sabi ni Alden, “Whatever serves the pop culture of the Philippines and sa ikakasaya ng lahat, of course support tayo d’yan.”

May 2025 version si Alden ng kanyang ‘dila pose’, pero sabi ng mga fans, iba pa rin ang original. Sa bagong version daw, hindi masyadong inilabas ng aktor ang kanyang dila, eh, sa original version, buong dila na yata ang kanyang inilabas.

Speaking of Alden, curious ang mga fans nito kung saang lugar siya magpapatayo ng bahay at kung para na ba sa magiging pamilya niya o nagsawa na siya sa condo living at sa bahay naman gustong tumira. 

Nalaman lang ang pagpapatayo niya ng bahay dahil sa post ng interior designer na si Patrick Henri Caunan.

Ipinost nito ang pagkikita at meeting nila ni Alden para sa ipapagawa nitong bagong bahay. 

Hindi pa man nagagawa, excited na ang mga fans at may request na ng house tour.

Samantala, magre-resume ang airing ng Stars On The Floor (SOTF) hosted by Alden this Saturday. Hindi napanood ang dance reality show last Saturday to give way sa anniversary special ng GMA Network.

---

B-day treat ng businessman sa GF…

BEA AT VINCENT, HOLDING HANDS SA BAKASYON-GRANDE SA JAPAN

Dahil sa mga kababayan natin na mahilig sa showbiz, nalaman na nasa Japan si Bea Alonzo at ang boyfriend nitong si Vincent Co. 

Post ng isang Pinay, nakita niya sa Ginza ang dalawa, sa isang mall at magka-holding hands habang naglalakad. 

Sabi pa ng nag-post, guwapo si Vincent at mukhang mabango. Bea naman daw looks gorgeous.

Nagpasalamat ang mga fans ni Bea sa impormasyon, hindi na rin sila maggu-Google para malaman kung saan pumunta ang dalawa. 

Ang last na nabalitaan sa kanila ay nang makita sa airport noong paalis sila at pinansin na wala silang suot na face mask, kaya hindi nahirapang kunan ng picture.

Pinansin din na maraming bagahe sina Bea at Vincent nang umalis at feeling ng mga netizens, magtatagal sila sa kanilang bakasyon. 

Parang birthday celebration daw ni Vincent ang Japan trip nila ni Bea dahil birthday nito bago sila lumipad pa-Japan. Si Vincent daw ang may birthday, pero siya ang nag-treat kay Bea ng bakasyon sa Japan.

‘Power couple’ ang tawag kina Bea at Vincent at bagay daw sa aktres ang businessman na sa kilos at sa kanilang mga lakad, ipinapakita ni Vincent na he is leading the way. Makikita rin na hinahayaan ni Bea na i-lead siya ni Vincent na nagpapakita ng respeto at pagmamahal niya sa boyfriend.

---

FINALE week na this week ng Afternoon Prime series ng GMA na Mommy Dearest (MD) na isa si Camille Prats sa mga bida. 

Sa isang post sa Instagram (IG), nagpasalamat ang aktres sa pagtanggap ng mga viewers sa kanya at sa ginampanang karakter ni Olive. Iba raw ang nasabing karakter dahil hindi siya mabait at hindi siya inaapi.

Kaya lang, last teleserye muna ito na gagawin ni Camille at malalaman ang rason nito kung bakit hindi muna siya tatanggap ng project na gaya nito.

Aniya, “Playing Olive breathed a new life into my passion for acting. I’m truly grateful to have explored this different side of my creativity. This project is especially close to my heart as I’ve decided to take a break from doing series for now, to devote more time to my growing children and family. Turns out, hindi ko pala kayang hatiin ang katawan ko—and while I deeply love what I do and remain incredibly grateful for the support you’ve shown this project, I’m being called to be a wife and mom first.

“Thank you all, from the bottom of my heart. Hanggang sa muli. Olive Caparas, signing off.”

Marami ang nalungkot sa desisyong ito ni Camille and at the same time, pinuri siya dahil mas inuna at binigyan ng priority ang kanyang pamilya, ang pagiging misis at ina.