VILMA, NAAKSIDENTE HABANG NAGBA-VLOG

ni Nitz Miralles @Bida | January 12, 2023

Nagkaroon pala ng minor accident si Vilma Santos habang nagba-vlog. Nadapa si Vilma habang nag-i-intro na naglalakad.

Nagsasalita siya kaya sa camera nakatingin at hindi napansin na hindi pantay ang lupang nilalakaran niya kaya nawalan siya ng balanse at natumba.

Pero, hindi naging dahilan ang minor accident na ‘yun, itinuloy pa rin ni Vilma ang kanyang pagba-vlog at sa sumunod na eksena ay tumalon pa.

Nangyari ito sa family get-together nila sa Punta Fuego sa Batangas noong New Year.

Wala naman sigurong major fracture sa katawan ni Vilma dahil itinuloy pa rin ang celebration nila ng kanyang pamilya at ang saya-saya pa nga nila at nagsasayawan pa.

And speaking of Vilma, tuwang-tuwa ito na isa na siyang lola at lalong natuwa nang malamang bine-breastfeed ni Jessy Mendiola ang anak nila ni Luis Manzano.

Happy din si Vilma na kasama ang pangalan niya sa name ni Baby Isabella Rose.