Video na nakaakbay sa Momoland member, kumalat…JAMES, NO COMMENT SA RELASYON NILA NI NANCY

ni Beth Gelena - @Bulgary Files | September 3, 2022

Kalat sa social media ang video clip nina James Reid at Nancy McDonie ng Momoland.

Natiyempuhan ang aktor kasama si Nancy sa isang event na dinaluhan nila kaya kinunan ng kaunting pahayag ang bagong manager ni Liza Soberano.

Umiwas magbigay ng komento ang aktor nang tanungin kung ano ang tunay na estado ng relasyon nila ng member ng K-pop girl group na Momoland.

Sa isang fan page sa TikTok, ipinost ang naturang video clip kung saan makikitang nakaakbay si James kay Nancy, habang ang isang kamay ng K-pop singer ay nasa baywang ng aktor.

“No comment. She's a very kind person. But, yeah, no comment,” simpleng saad ni James nang makita siya sa Preview Ball 2022 na ginanap sa Blue Leaf Cosmopolitan sa Quezon City kamakailan.

Isa si James sa 50 pararangalan bilang Most Influential Awardees ng Preview. Nasa listahan din ang Unkabogable Star na si Vice Ganda, si Miss Universe 2015 Pia Wurtzbach, at iba pang mga kilalang personalidad.

Nagbigay naman ng thank you speech ang actor.

"When I found out I'm one of the most influential awardees, I'm very proud.

"I've worked very hard to really make a difference in music. I'm very happy that they recognized it so happy to be here.

“Actually, I just came back here in the Philippines yesterday, so happy to be home."