Vice at Ion, umaming kasal na… BRO. EDDIE: PULITIKONG PABOR SA SAME SEX MARRIAGE, 'WAG IBOTO!

ni Julie Bonifacio - @Winner | February 19, 2022

Tunay na pinag-usapan ang naganap na kasal ng It’s Showtime hosts na sina Vice Ganda at Ion Perez. As expected, natuwa ang mga celebrity friends nina Vice at Ion.

Sa isang showbiz event, naging paksa ang kasal ng celebrity couple. Kani-kanyang opinyon at pagbabahagi ng mga alam nila pagdating sa “legal matters” ng same-sex marriage rito sa 'Pinas.

Sa true lang, wala namang dapat pag-usapan tungkol sa legalidad dahil nadesisyunan na sa Supreme Court noong 2020 na ‘di valid ang same-sex marriage sa bansa.

At isa sa mga masigasig sa pagkontra na maaprubahan sa Supreme Court para maging legal ang same-sex marriage sa bansa ay ang owner ng A2Z Channel 11 and digitalized channel 20 na si Deputy Speaker Eddie C. Villanueva.

Si Rep. Eddie, na kilala rin bilang spiritual leader ng Jesus is Lord Church Worldwide as Bro. Eddie, ay kasalukuyang tumatakbo para sa pangalawang termino bilang representative ng CIBAC Partylist sa nalalapit na halalan.

Minsan nang naghayag si Bro. Eddie ng kanyang reaksiyon nu’ng lumabas ang desisyon ng Supreme Court sa same-sex marriage.

Sabi niya, “The Supreme Court ruling reaffirms our belief that we are in the right path when we stand to defend that marriage is just and must be confined between man and woman.

"It is not only the divine will of God, it is also the standing spirit and will of the laws of our land.”

Nu’ng Valentine’s Day, kasabay ng pag-a-upload ng video ng naganap na kasal nina Vice at Ion sa Las Vegas sa YouTube Channel ng TV host-comedian, ay may ipinost na mensahe si Bro. Eddie sa kanyang Twitter account ukol sa pagpili ng mga mamamayan sa kandidato na kanilang iboboto sa nalalapit na eleksiyon.

“Bahagi ng pagkilatis sa kandidato: Ano'ng naging stand niya sa same-sex marriages, divorce law, abortion, gambling inside home, protecting corrupt officials and greedy people etc. which invite God’s Wrath to the Nation?! (Col.3:5-6).”

And as we all know, ipinapalabas ang It’s Showtime sa A2Z Channel 11.

Last Wednesday ay nagbigay ng reaksiyon si Vice sa isyu ng legalidad sa kasal dito sa Pilipinas in connection sa naganap na kasal nila ni Ion.

“Kahit hindi siya i-acknowledge ng batas sa Pilipinas, wala akong pakialam. I just want to celebrate our love for each other sa harapan ng mga tao na nagmamahal sa amin,” pahayag ni Vice.